Woh Shehre Mahobbat lyrics Naat

 

وہ شہر محبت جہاں مصطفٰی ہیں                                                 

وہیں گھر بنانے کو جی چاہتا ہے                                                     

وہ سونے سے کنکر وہ چاندی سی مٹی                                          

 نظر میں بسانے کو جی چاہتا ہے                                                      

   جو پوچھا نبی نے کہ کچھ گھر بھی چھوڑا

 تو صدیق اکبر کے ہونٹوں پہ آیا               

یہاں مال و دولت کی کیا ہے حقیقت     

 جہاں جاں لٹانے کو جی چاہتا ہے          

جہاد محبت کی آواز گونجی                                                         

کہا حنظلہ نے یہ دلہن سے اپنی                                                     

اجازت اگر دو تو جام شہادت

 لبوں سے لگانے کو جی چاہتا ہے 

ستاروں سے چاند کہتا ہے ہر دم

 تمہیں کیا بتاؤں وہ ٹکڑوں کا عالَم 

اشارے میں آقا کے اتنا مزا تھا 

کہ پھر ٹوٹ جانے کو جی چاہتا ہے 

وہ ننہا سا اصغر جو ایڑی رگڑ کر

 یہی کہ رہا تھا وہ خیمے میں رو کر

اے بابا میں پانی کا پیاسا نہیں ہوں

 میرا رن میں جانے کو جی چاہتا ہے 

جو دیکھا ہے روئے جمال رسالت

 تو طاہر عمر مصطفٰی سے یہ بولے

بڑی آپ سے دشمنی تھی مگر اب

 غلامی میں آنے کو جی چاہتا ہے